ငွေကြာရံလူသတ်မူ

မဇ္ဖိမ သတင်းမှကောက်ယူဖော်ပြခြင်းဖြစ်ပါသည်။
ငွေကြာရံ လူသတ်မှု (ပြည်တွင်းမှ ပေးပို့သော စာတစောင်)
မြန်မာစံတော်ချိန် ၂၃း၀၀ (သတင်းလွှင့်တင်ချိန်)

ငွေကြာရံ စာသင်တိုက်သို့ စစ်တပ်က ဝင်ရောက်စီးနင်း ရိုက်နှက် ဖမ်းဆီးမှု ဖြစ်ပွားပြီးနောက် မခံမရပ်နိုင် ဖြစ်နေကြသော အရပ်သားများက စစ်တပ်နှင့် ထိပ်တိုက် ရင်ဆိုင်မှု ဖြစ်ပွားပုံကို လေ့လာ စုံစမ်းခဲ့သော ပြည်တွင်း သတင်းထောက် တဦးက မဇ္ဈိမ သို့ ရေးသား ပေးပို့ခဲ့သည့် စာကို မူရင်းအတိုင်း ပြန်လည် ဖော်ပြလိုက်ရပါသည်။
ယနေ့နံနက် ၁၁းဝဝ နာရီခန့်တွင် တောင်ဥက္ကလာပ မြို့နယ်အဝင် သစ္စာ လမ်းမပေါ်ရှိ ရထားလမ်း အနီးတစ်ဝိုက်တွင် လူများ စုရုံးစုရုံး ဖြစ်နေကြသည် လမ်းကြားတစ်ခုတွင် စစ်ကားတစ်စီး ရပ်ထားပြီး စစ်ကားပေါ်မှ ပတ်ပတ်လည်ကို သေနတ်များဖြင့် ချိန်ထားသည်။

ဖြစ်ပွားပုံမှာ (မျက်မြင် သက်သေတဦး ပြောပြချက်)

ယမန်နေ့ (၂၆၊ စက်တင်ဘာလ၊ ဗုဒ္ဓဟူးနေ့) ညသန်းခေါင် ဝန်းကျင်တွင် ရန်ကင်း မြို့နယ် မိုးကောင်း ဘုန်းကြီးကျောင်းနှင့် တောင်ဥက္ကလာပ မြို့နယ် ငွေကြာရံ စာသင်တိုက်တို့တွင် စစ်တပ်မှနေ၍ ဘုန်းတော်ကြီးများအား ဝင်ရောက် ဖမ်းဆီးခဲ့သည်၊ ဘုန်းကြီးများအား ရိုက်နှက်ကာ အတင်းအဓမ္မ ကားပေါ်သို့ ဆွဲတင်ကြသည်၊ ကျောင်းပိုင် ပစ္စည်းများအား (ပန်းကန်၊ ခွက်၊ ပြတင်းမှန် အစရှိသည်) လုံးဝ သုံးမရအောင် ဖျက်ဆီးခဲ့ကြပြီး ကျောင်းပိုင် ရွှေငွေများနှင့် တီဗွီ အစရှိသည်များပါ မကျန် ဓားပြ တိုက်သွားခဲ့သည်၊ ငွေကြာရံ ဘုန်းကြီးကျောင်း၏ ဆုံးရှုံးမှုမှာ ငွေကျပ်သိန်း ၄ဝဝ ခန့်ရှိသည်ဟု သိရသည်၊ ဖမ်းဆီးရာတွင် ဘုန်းတော်ကြီးများ သာမက ကျောင်းရှိ ဝေယျာဝစ္စ လုပ်ပေးသောကပ္ပိယ (ယောက်ျား၊ မိန်းမ) များပါမကျန် အားလုံး ခေါ်ဆောင်သွားကြောင်း။ ကျောင်းထိုင်ဆရာတော် တပါးသာ ကျန်ရစ်ကြောင်း၊ အချို့သော ဘုန်းတော်ကြီးများမှာ ရရာ ဆန်အိတ်များ။ ပစ္စည်းများယူ၍ ထွက်ပြေးကြရာ ပတ်ဝန်းကျင်မှ အိမ်များ၊ ခြံများမှနေ၍ တံခါးများကို ဖွင့်ပေးကြကာ ဘုန်းတော်ကြီးများကို မိမိတို့ တိုက်အတွင်း ခေါ်ဆောင်ကာ အကာအကွယ် ပေးကြကြောင်း၊
မနက်ရောက်သောအခါ အဆိုပါ ထွက်ပြေး လွတ်မြောက်သွားသော ဘုန်းကြီးများမှနေ၍ မိမိတို့ ကျောင်းတိုက်သို့ ပြန်ကြပြီး ပတ်ဝန်းကျင် ရပ်ကွက်များမှ လူများလည်း သတင်းကြားပြီး ဖြစ်သဖြင့် လာရောက်ကြည့်ရှု နေကြကြောင်း။ ဘုန်းကြီးကျောင်းဝင်း အတွင်း သွေးကွက်များမှာ နေရာအနှံ့အပြားရှိနေပြီး အုတ်ခဲများဖြင့် ဖုံးအုပ်ထားကြောင်း။ ကျောင်းဝန်း တစ်ခုလုံးလည်း ပျက်စီးနေသည်ကို တွေ့ရကြောင်း။ မကြာမှီ ဘီဘီစီမှ သတင်းထောက် လာရောက်၍ ဘုန်းတော်ကြီးများကို ညက အဖြစ်အပျက် အကြောင်းကို မေးမြန်းကြောင်း။ ထိုအချိန်တွင် လာရောက် ကြည့်ရှုနေကြသော သူများမှ အားလုံး ဝိုင်းဝန်းပြီး နားထောင်နေကြကြောင်း။ ထိုသို့ လာရောက် မေးမြန်းနေသည့် သတင်းကို ထောက်လှမ်းရေးမှ ကြားသိပြီးနောက် များမကြာမှီပင် စစ်ကား အနည်းငယ်နှင့် စစ်သားများ ရောက်လာကြောင်း။ ထို့နောက် ဝိုင်းဝန်း နားထောင်နေကြသော လူများအား နောက်ဆုတ်ရန် ခြိမ်းခြောက်ကြောင်း လူအုပ်က နောက်မဆုတ်သောကြောင့် တုတ်များ။ သေနတ်ဒင်များဖြင့် ဝင်ရောက် ရိုက်နှက်ကြောင်း။ ထွက်ပြေးကြသော သူများကို ဘုန်းကြီးကျောင်း ခေါင်မိုးပေါ်မှ တက်၍ သေနတ်ဖြင့် ပစ်သတ်ကြောင်း။ ဘုန်းကြီးကျောင်းဝန်း တစ်ခုလုံး သွေးကွက်များ နေရာအနှံ့ ဖုံးလွှမ်းသွားကြောင်း (မသေချာသော သတင်းတစ်ခုမှာ လူအများမှ မကျေနပ်သဖြင့် ဝိုင်းဝန်းကာ ရိုက်နှက်ကြသဖြင့် စစ်တပ်မှ သေနတ်များဖြင့် ခြိမ်းခြောက်ကာ အနားကပ်လျှင်ပစ်မည် ဟု ပြောကြောင်း)
နောက်ဆုံးတွင် သစ္စာလမ်းမ ရထားလမ်း အကျော်ရှိ လမ်းကြား အဝင်တွင် စစ်ကားတစီး ရပ်ကာ ပိတ်ထားပြီး လူအများမှလည်း ဝိုင်းအုံကာ ကြည့်ရှုနေကြသည်၊

ဆက်လက်ဖြစ်ပွားပုံမှာ (မျက်မြင်ကိုယ်တွေ့)

နေ့လည် ၁၂ နာရီခန့်တွင် သစ္စာ လမ်းမပေါ် ရထားလမ်း ပတ်ပတ်လည်တွင် စစ်တပ်မှ ပိတ်လိုက်သည်ဟု ကြားသိရသည်၊
များမကြာမှီပင် ဝေဇယန္တာလမ်းနှင့် သစ္စာလမ်းထောင့်ရှိ မီးပွိုင့်တွင် စစ်သားများမှနေ၍ သံဆူးကြိုးများ ချကာ လမ်းကို သွားလာခွင့် မပေးဘဲ ပိတ်ပစ်လိုက်သည်၊ ထိုအချိန်တွင် ပတ်ဝန်းကျင်ရှိ ရပ်ကွက်များမှနေ၍ အလျှိုအလျှိုဖြင့် ထွက်လာကြပြီးလျှင် ထိုပိတ်ထားသော နေရာအား လေးဘက်လေးတန်မှနေ၍ ဝိုင်းရံ လိုက်ကြသည်၊ လူအုပ်ကြီး မည်မျှ များသည်ဆိုသော် သစ္စာလမ်းပေါ်တွင် မိုးကောင်း ဘုရားလမ်းအထိ ရောက်သည်ဟု သွားကြည့်သူများက ပြောသည်၊
ဝေဇယန္တာ လမ်းမပေါ်တွင်လည်း တဖြည်းဖြည်းနှင့် ပတ်ဝန်းကျင်ရှိ လမ်းများမှ လူများမှလည်း လမ်းထိပ်မှနေ၍ လည်းကောင်း။ ခြံဝများမှ နေ၍လည်းကောင်း ထွက်ကာ အခြေအနေကို ကြည့်နေကြသည်၊ တချို့ သူများကလည်း ဝိုင်းထားသော လူအုပ်နှင့် သွားရောက် ပူးပေါင်းလျက် ရှိကြသည်၊
နေ့လည် တနာရီကျော်တွင် စစ်တပ်မှနေ၍ မျက်ရည်ယို ဗုံးများဖြင့် စတင် ပစ်ခတ်သည်၊ ထိုခဏ၌ လူထုမှာ အနောက်သို့ ဆုတ်ကာ မီးခိုးများ ပြယ်လွင့်သည်နှင့် အရှေ့သို့ ပြန်တိုးကြပြန်သည်၊ ထိုအချိန်တွင် လက်ခုပ်သံများ ဆူညံစွာ ထွက်ပေါ်လာသည်၊ ရပ်ကွက်မှ လူများမှ အရပ်ဝတ် ရဲသားများအား ဝိုင်းဝန်း ရိုက်နှက်လိုက်သည် ဟုလည်း ကြားသိရသည်၊
နေ့ခင်း နှစ်နာရီခန့်တွင် ပိတ်ခံထားရသော စစ်တပ်မှ စစ်ကားသုံးစီး မောင်းထွက်လာသဖြင့် လူအများ လမ်းကြားများထဲသို့ ဝင်ပြေးကြသည်၊ စစ်ကားများ လွန်သွားသည်နှင့် လူအများမှာ ယခင်အတိုင်း ပြန်စုကြပြန်သည်၊ခေတ္တကြာလျှင် ထိုစစ်ကားများ ပြန်ရောက်လာကြသည် (ကျည်ဆန်များ ကုန်သွားသဖြင့် သွားယူသည် ထင်သည်)၊
နေ့ခင်း သုံးနာရီခန့်မှ စ၍ အခြေအနေမှာ တင်းမာ လာကြသည်၊ ဝိုင်းထားသော ပတ်ပတ်လည်မှ လူများကလည်း ဒို့အရေး၊ အလိုမရှိ စသည်ဖြင့် ကြွေးကြော်လာကြသည်၊ ပတ်ဝန်းကျင်မှလည်း လက်ခုပ်တီး အားပေးကြသည်၊ လူအုပ်ကြီးမှာလည်း များသထက် များလာသည်၊ ထိုအချိန်မှစ၍ စစ်တပ်မှ သေနတ် ပစ်ဖောက်သံများ စတင် ထွက်ပေါ်လာသည်၊ မိုးပေါ် ထောင်ဖောက်သည်လား။ တည့်တည့် ပစ်သည်လားတော့ မသိရပေ၊ မျက်ရည်ယို ဗုံးများကိုလည်း အဆက်မပြတ် ဖောက်နေကြသည်၊ စုစုပေါင်း အလုံး ၂ဝ ခန့် ရှိမည် ထင်သည်၊ မီးခိုးများမှာလည်း မွှန်ထူနေသည်၊ မကြာမှီ ဗျောက်အိုး အတွဲလိုက်ဖောက်သံ ကဲ့သို့ အသံများ အဆက်မပြတ် ထွက်ပေါ်လာသည်၊ လူအုပ်မှ လုပ်သည်လား စစ်တပ်မှ လုပ်သည်လား မသိရ၊ ပတ်ဝန်းကျင်ရှိ လူများမှ ဝေဇယန္တာ လမ်းမပေါ်တွင် အုန်းပင်လုံးများ ချကာ လမ်းကို စစ်ကား သွားမရအောင် ပိတ်လိုက်ကြသည်၊ ထိုသို့ ပိတ်လိုက်ပြီးနောက် စစ်သားများမှာ လမ်းဆုံ မီးပွိုင့်မှနေ၍ ဝေဇယန္တာ လမ်းတလျှောက် ပါရမီဖက်သို့ တစ်ဖြည်းဖြည်း သေနတ်များ ပစ်ဖောက်ကာ တိုးလာကြပြီး သစ်တုံးများအား လာရောက် ဖယ်ရှားကြသည်၊ လူအများကလည်း နောက်သို့ ဆုတ်ကာ စစ်သားများအား ဆဲဆိုကြသည်၊ ကြွေးကြော်သံများ ဟစ်ကြွေးကြသည်၊ စစ်သားများမှလည်း ပြန်လည် ဆဲဆိုကြသည်၊ စစ်သားများ နောက်ဆုတ်သွားလျှင် လူများက ရှေ့တိုး လာကြပြန်သည်၊ စစ်ကားများဖြင့် လမ်းတလျှောက် မောင်းလာလိုက် ပြန်သွားလိုက် လုပ်ကာ လူစုကွဲနေသော သူများကိုလည်း ကားပေါ် အတင်း ဆွဲတင်ကြသည်၊
ညနေ ၄ နာရီခန့် အချိန်တွင်မူ အခြေအနေသည် အဆိုးဆုံးသို့ ရောက်လာသည်၊ စစ်တပ်မှနေ၍ ဝေဇယန္တာလမ်းပေါ် တက်သမျှလူကို ပစ်တော့သည်၊ လူအများလည်း လမ်းကြားများသို့ ဝင်ပြေးကြရင်း လမ်းကြားများမှနေ၍ ဆက်လက် ဆဲဆိုကြပြန်သည်၊ ထိုအချိန်မှစ၍ လမ်းမကြီးပေါ် သာမက လမ်းကြားများတွင်ပါ မည်းမည်းမြင်သမျှ ပစ်ခတ်ပါတော့သည်၊ စစ်တပ်မှနေ၍ ပတ္တမြားဈေး သွားသောလမ်း အနီးတွင် နေရာ ယူလိုက်သည်၊ စစ်ကား ၆ စီးခန့်နှင့် စစ်သားစုစုပေါင်း ၂ဝဝ-၃ဝဝ ခန့် ရှိမည်ဟု ခန့်မှန်းရသည်၊ လည်စီးအနီ စည်းထားသော စစ်သားများလည်း ပါသည်၊ မည်သူမှ လမ်းပေါ်သို့ မထွက်ရဲကြ၊ လမ်းကြားများတွင်ပါ ရှင်းလင်းနေကြသည်၊ ညနေ ၆ နာရီခွဲခန့် မှောင်လာချိန်တွင်မှ စစ်တပ်မှ ဆုတ်သွားသဖြင့် ကားများ ပြန်လည် သွားလာခွင့်ရသည်၊
ယနေ့အဖြစ်အပျက်တွင် လူမည်မျှ သေဆုံးသည်ကိုမူ မသိရချေ၊